迷你天然南瓜包

10月萬聖節係南瓜係主角!黎緊會有南瓜系列做唔同嘅甜品!今次第一回合緊係用南瓜做包包!真係成個迷你南瓜仔咁🎃小朋友同大人收到一定中意😁送俾人又有心思又好味道!

主要食材

  • 高筋麵粉 220克
  • 南瓜蓉 120克(蒸後記得要瀝乾多餘水分)
  • 淡忌廉 70—80克(扣起10克後下,視乎麵團的吸水性)
  • 糖 25—35克(視乎個人喜好)
  • 鹽 2克
  • 酵母 3克
  • 無鹽牛油 20克

食譜參考自carol老師,但分量和做法自己有稍作調整。

步驟1
先把所以材料除了牛油外放入一個大容器中用匙粗略攪拌。見到水分大概吸收後,可以放上工作枱上用手搓。


步驟2
一開始麵團會很濕,用刮刀幫助令麵團成型。搓至成同且少許光滑,可加入牛油繼續搓。撻會令到麵團更快産生麵筋且無咁痴手。


 步驟3
切一小塊麵團接到一塊又薄又透的手套膜即可。薄膜中的洞穿得黎個邊要係完整,而唔係据齒狀。


 步驟4
麵團滾圓後,表面噴少許水,蓋上發酵至兩倍大。一發後,排氣,平均分成六份,分別滾圓,再蓋上休息15分鐘。


步驟5
休息過後,再一次排氣。如果包餡則包入餡料,不建議包入大濕的食材。如果不包則排氣多次和滾圓。鬆弛多次會令麵包更鬆軟。

步驟6
包好餡後,用浸了油的棉繩輕力包住麵團(作用是防止焗後棉繩黏實麵團,難以拎走),紮成八字型。其實好似美心綁西餅盒咁,對角十字每綁一綁,就twist一下(擰一擰90度),再對角十字綁一綁。最後綁實一個死結即可。然後不要紮得太實,也不要太鬆,僅僅紮實即可。

  

 步驟7
進行二發發至兩倍大。用預熱了150度的焗爐,放入最低層焗20分鐘。(低溫長時間焗作用是不會令麵團上色太快又可焗得熟)如見上色太深,則蓋上錫箔紙。最後稍微放涼後剪走棉繩,插上杏仁粒或餅乾條即可。


心得:其實呢個麵團可以再吸多啲水,但我認為呢個麵包唔適合高水分。因為愈高水分,麵團就會好柔軟,發酵過程麵筋好難支撐麵團。變相發酵同焗嘅時候就會好容易向外擴散,形狀變得好大好扁塌。所以適可而止,反正這個小南瓜都夠鬆軟又吸睛,無謂因貪心多加水而破壞了可愛的形象😁🎃

Published by

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s