潮式酥餅:紫薯酥,抹茶酥

IMG_6750
如果你願意一層一層…

主要食材
8個份量: 水皮:中粉100克,糖10—15克(我覺得唔落都得,因餡有甜味,健康啲),鹽超少,豬油/固體菜油/無水奶油40克,冰水45—60克(真係睇天氣同粉吸水度,可能要更多,記住慢慢加) 油酥: 豬油/固體菜油/無水奶油50克,低粉100克,如果嫁加左色素粉,記住加翻多少少油搓。想出色啲要落多啲咩紫薯粉抹菜粉,焗完會再淺色啲。
  IMG_6752 IMG_6751 IMG_6753 IMG_6457
步驟 1
水皮方面一定多柔軟,即夠水分,桿時才會水油一齊走。我通常一開始加唔足水分慢慢搓,因太痴手好難搞。搓成團就逐少加水,一路搓一路撻,直至有筋性、光滑同柔軟得黎不痴手即可。不可偷懶呢!
步驟 2
3~油酥一定不可以乾!我試過禁多個,粉同油比例2比1最好,記住計埋色素粉!太乾油酥就唔得跟住水皮走,好易破酥。我有時候搓好左後等水皮休息30分鐘後,會乾左啲,我就加多少許油搓一搓。
步驟 3
我無刻意磅,全部滾圓後平均一開四就開始包(作戰) 另帶一提,我水皮包完油皮都休息左10分鐘,又真係好似好啲!
步驟 4
把水皮平均包住油酥,一定要按實收口,以下落黎操作才會順利。然後蓋好休息10分鐘。
步驟 5
收口向上,輕輕用手按扁後先好桿,每次用中間桿上桿下,力度要平均。不要太貪心桿太長,適合而止,否則會破酥。
步驟 6
然後由上而下捲起,蓋上保鮮紙休息十分鐘。其餘一樣,記住美容的麵團一定要蓋實,不要風乾。
步驟 7

然後收口向上,輕輕用手按扁後先好桿,每次用中間桿上桿下,力度要平均,今次可以比上一次桿薄啲。不要太貪心桿太長,適合而止,否則會破酥。

步驟 8
然後蓋上保鮮紙休息多十五分鐘。由中間對切,切面就是向外。桿至大過饀料小小的圓形,然後中間放入餡料,像包包子般用包實。
步驟 9
用預熱了180度的焗爐,放中層焗25至30分鐘即可。
小貼士
~我用過不同的食譜,有好有壞。不斷練習的試驗後,我已經沒有跟死一個食譜了,參考不同的食譜,自己加加減減,執生。 ~就係唔好太心急同貪心。全部慢慢黎桿,輕力由中間桿前桿後~一路桿一路拎起留意前後有沒有破酥。唔好貪心就係唔好因為想要多層次而蒙蔽左。我就係試過,諗住:仲可以長啲嘅⋯⋯繼續桿啦,就挑戰極限破了~所以留得青山在,會有柴燒嘅 ~鬆弛要夠,我最少都10—15分鐘架!同有冷氣地方一定要蓋實,風乾左就好易破酥,前功盡棄了! ~基本上包饀方面應該沒有什麼大失望,很容易。漏饀都應該唔點會,除非大家太流太濕,如果唔係爆的機會都幾大!我包過蓮蓉、奶黃、朱古力、紅豆等⋯

Published by

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s